دمعة حامية فى قلب امى ســــــاعة فراقنا
جرح واصل كل ذرة فى اشتيــــــــــــــاقنا
قلب امى قلب دافـــى برحمتـــــــــــــــــــه
واصف بحسه معنى واحــــــــد لجنتــــــه
انا رحت اشجـع حاسس بنبـــض لهفتــه
وحاسس فى خــــطوة مشيتى بنبضتــــه
ونظرة اخيره بين رمشـــها وضمتــــــــه
وهمسة نجاة بتحاكى ربــى ونجدتــــــــه
ببسمتى ودعت خوفنا وضيعت اوهامــنـا
بيكى امى هتفضل ع الارض ايامنــــــــــا
ولو يا امى جرح بعدى قاسـى ظلمنـــــــا
افتكرى انى بجنة الخلد فاكـر سلامنـــــــا
فراقى ليكى سهم قاضى مـــــن سهامنـــا
وذكرى ليكى دعوة لقاكى لحظـة صيامنا
كلمة ضنايا لسة يا امى ساكنـة وريـــدى
بترسم بدمى شوقى لهمسة من كلامــــنا
ميت يا امى على ايد اخويا جريح شهيد
بجهل منه فاكر بانه حكمه سديـــــــــــد
فى ماتش كورة جة بيفتن بورسعيــــــد
جة بيدبح حلم مصر من جديـــــــــــــــد
حلم بلدى الباقى ليا والوحــــــــــــــيــد
كتم فيها صرخة بكــــــــــاء الوليـــــــد
بستنجد بيه جة قتلنى وقلبه حديـــــــــد
ولا لحظة فكر فى دمعة منك او صديـــد
ولا لحظة حن دا كان غادر كان شديـــد
قالولى إلحق نفسك حزروك من بعيــــد
جريت بقول دول مش ولاد بورسعيــــد
دا بلطجى تافه وقاتل لبــلده مصـــــــــــر
مجهز يبيع دم اخوه بـكل حصــــــــــــــر
قابض يا امى مبلغ يعيشه كبير فى قصـر
يبقى الأولى فى عقليتة دم مصـــــــــــــر
انا اللى وجعنى مش طعنته ولا رميتــــه
اللى وجعنى بسمته وكأنه بحرب نصـــر
وصوت ولاد شباب بلادى بيتوجعـــــــوا
بيودعوا بنظرة ذهول لقاتل حلم عصــــر
بس شوفت حاجة تصبرك يا نور عنيـــا
شوفت ملايكة شايلةروحى بأجمل تحيــة
شايلاها لجنة شايلاها لرب البريــــــــــة
وسيبت بلدى لسة مجروحة وهيا صبيـة
شوفت فى السما معنـــى الشهــــــــــادة
وعرفت هناك معنى البشر معنى العبادة
عرفت ازاى ألمس احساس السعــــــادة
وفى الجنة سندت على مليون وســــادة
بلدى يا امى فى دنيتى كانت وســـــــادة
لكن يا امى ضاعت فيها معانى القيــادة
انا قولت أهلى جيت اشجع بقلـــب صافــى
لقيت هجوم صعب قاسـى مـــن مصراويـة
طب ما انا مصرى لية بتهجـــم وليـه عليا
لوحة تافهة! جايز دى حجـــة عقلانيــــــة
فتنة واسعة وايد وسطنا ايـــد خفيــــــــــة
ايد بتقتل منغير شعــــــــــور مفتريـــــــــة
ايد راعيها الرسمى اعداء الحب والحــرية
ايد بترسم على نيران حروب اهليـــــــــــة
ايد بمليون صابع واخدة وراها مية ضحية
لو مسكنا فيها صابع فالوفرة متقويــــــــة
لإمتـى يابلــــد هتفضل الامنا وصرخة شبابك؟
بشرفك يــــا بلــدى اجـــــــمل ولاد دول ولادك
ضللى عليهم بحنانك ابعدى عنهــــم كلابــــــك
اصلهم رجال ومهما الفتنة وقفــــت لبابـــــــك
الشاب يمحى فتنتك بدمه ولاعــــمره سابـــــك
وهيحيى ذكرك عقلهم ساعــــة غيابـــــــــــــك
مع انهم داقوا المر تحت نياب ديــــابـــــــــــك
مصرين يوصلوا للى عابك ورا بياض سحابك
ونور شمسك بعزهم تمحـــــى سرابـــــــــــــك
قولى يا امى لكــــــل ام تدعـــى لبلدنــــــــــــــا
اصبروا ومتخافوش الكـــريم من فضلـه زادنــا
انا واخواتــــى يا امـــى استشهدنـــــــــــــــــــا
اجمل هدية من ربنـــا وبيها بيسعدنـــــــــــــــا
وهيسيب كلمة لكل احفاد الفــــــراعنة اجدادنـا
احموها وبتعبكم ابنوها وقولـوها لولادنـــــــــا
منقول
موضوع: دمعة حامية فى قلب امى ســــــاعة فراقنا 
